【冬至美食2022】冬至傳統習俗食咩好？買大閘蟹即送《過時·過節》換票證

近期大熱嘅電影《過時·過節》，戲中因一場冬至飯局而造成關係破裂。唔知大家有冇留意戲中嘅冬至飯局，枱面係有啲咩嘢食㗎呢？今年（2022年）嘅冬至為12月22日，飾演阿陽（呂爵安演）婆婆嘅馮素波有講過「有幾多個人喺度，咪幾多個人一齊食囉」。正所謂「冬大過年」，一於冬至就返屋企同家人食返餐好，一齊睇吓冬至傳統習俗係應該食啲咩啦！


---

1. 盆菜 - 寓意盆滿缽滿
唔少香港人喺喜慶嘅日子都會食盆菜，唔但只冬至，仲有新年或中秋。但大家又知唔知盆菜嘅起源同原因呢？

起源

盆菜，其實係客家菜，亦係新界圍村原居民嘅傳統食品。咁到底盆菜係點嚟嘅呢？

版本一：源於宋末亂世
喺中國南宋末年，宋帝趙昺及陸秀夫、張世傑等人為躲避元軍，南逃至東莞烏紗、及香港新界嘅圍村，村民見到皇帝就盛情款待。雖然窮鄉僻壤冇佳餚可以畀皇帝享用，喺趕急嘅情況下，村民唯有將僅有嘅食物加熱，一層一層咁放入木盆內獻畀皇帝。當時宋帝飢寒交迫，就覺得呢樣係最好食嘅佳餚。自始之後，村民每逢喜事或新年等節日，都會食盆菜慶賀。

版本二：
當時遭元兵追殺嘅文天祥，逃至靠海嘅廣東寶安縣。當地嘅村民將屋內嘅食物拎畀佢，宋兵就打算將餸菜煮熟，但佢又冇多餘嘅器皿，村民就建議用大盆裝。宋兵就圍盆而食，變成盆菜。

寓意

客家人喜歡講意頭，原來盆菜都包含唔少寓意喺當中。盆菜上枱時擺到滿一滿，寓意盆滿缽滿，財源滾滾；坐低圍埋一齊食，象徵合家團圓，滿堂吉慶；盆菜內嘅食材夠多元化及豐富，表示豐衣足食。甚至連盆菜內嘅食材都有唔同嘅寓意！例如髮菜及蠔豉，代表發財好市；枝竹代表知足常樂；蝦代表哈哈笑、笑口常開；魚丸表示年年有餘等。

食法

原來盆菜入面嘅食材都有特定嘅擺法，一般會將味道較淡嘅放喺最底層，例如豬皮、蘿蔔等，好讓較淡嘅食材吸盡其他食材嘅精華，越食越入味。對上一層會放枝竹、魷魚等；再上會順序放炆豬肉、冬菇、炸門鱔、鯪魚丸；而最頂會放雞，及大蝦等較鮮味嘅食材。有啲盆菜會放上鮑魚、鴨掌或其他燒味等，睇落更加名貴好看。食嘅時候都要講禮儀㗎！唔好亂挑想食嘅食材，要逐層順序由上至下咁食落去，先從最頂最鮮味嘅食材開始食，一路食到最底，先能夠食盡盆菜嘅精華。


---

2. 湯圓 - 寓意團團圓圓：

原來比較多南方人會喺冬至時食湯圓，一齊睇吓湯圓嘅起源同寓意啦！

起源

明朝嘅時候，民間流傳「家家搗米做湯圓，知是明朝冬至天。」可見早至明朝已經會於冬至時食湯圓。因為冬至當日嘅白天最短、夜晚最長，所以古人將呢日稱為「陰極之日」，視為迎接陽氣嘅日子，之後白天日照時間就會越嚟越長。因此會以象徵「團圓、圓滿」嘅湯圓來迎接，祈求闔家團圓，令新一年更加圓滿如意。

寓意

原來唔同顏色嘅湯圓都有唔同嘅寓意，紅湯圓代表金，可以招桃花、招人緣；白湯圓代表銀，可以招財、旺事業。所以紅白都至少要食一粒，象徵圓滿及團圓。



---

3. 餃子 - 北方人：

可能香港人會比較少喺冬至時食餃子，但北方人就有「冬至餃子夏至面」嘅說法。

起源

東漢末年，「醫聖」張仲景告老還鄉時，見到好多窮苦百姓忍飢受寒、耳朵凍爛。於是佢自己出錢用羊肉、辣椒同埋一啲驅寒藥材，放入鍋內熬煮，煮好後再剁碎，用面皮包成耳朵狀嘅「嬌耳」，再放入鍋煮熟後分畀病人。百姓食完之後渾身發熱、血液通暢、兩耳變暖，被凍爛嘅耳朵就會康復。至龍之後南陽至今有「冬至不端餃子碗，凍掉耳朵沒人管」嘅諺語。


過時過節，無論食咩都好，最緊要係一家人齊齊整整，一齊食返餐冬至飯。

---

冬至秋冬季節，正正係大閘蟹當造季節！一家人圍埋食大閘蟹都係唔錯嘅選擇。新鮮蒸好嘅大閘蟹，鮮甜嘅金黃色蟹膏，立即Click以下WhatsApp連結，搵我哋訂818Go爆膏大閘蟹啦，仲要係三陽泰官方正式授權嘅持牌分銷商嚟㗎～食得更放心！


依家訂818Go大閘蟹，即刻送《過時·過節》換票證！約屋企人食餐飯，再直落睇戲。
買一隻蟹都送《過時．過節》換票証！
換票証有限！名額首500張訂單！
買兩打送電影換票證兩張；買四打送電影換票證四張
即刻預訂大閘蟹 (WhatsApp預訂)：https://bit.ly/3Sco1lL

818GO官網：https://www.818go.hk/


圖片來源：Unsplash、《過時過節》劇照
編輯：Athena

---

延伸閱讀：


《過時·過節》上映週｜送電影換票證
詳情：https://timable.com/event/2240881

【元宵節2022】流心芝麻/花生/奶黃湯圓食譜｜內附煙韌防黏煮法
詳情：https://timable.com/blog/2126226

【香港老字號】土瓜灣糖水店｜默默耕耘近40年 老闆蘭姐：我好鍾意做呢間舖
詳情：https://timable.com/blog/2239511

【本地良心小店2022】天后私房菜燒邦｜老闆凌晨選購海鮮 店內設魚缸保海鮮新鮮 老闆：希望堅持用香港人的東西
詳情：https://timable.com/blog/2245996

---

Follow埋Timable FB同IG
FB：https://www.facebook.com/timable.hk
IG：https://www.instagram.com/timable/

立即下載Timable App，隨時隨地捕捉本地活動資訊
iOS/Android: https://bit.ly/timable_app