【冬至美食2022】冬至传统习俗食咩好？买大闸蟹即送《过时·过节》换票证

近期大热嘅电影《过时·过节》，戏中因一场冬至饭局而造成关系破裂。唔知大家有冇留意戏中嘅冬至饭局，枱面系有啲咩嘢食㗎呢？今年（2022年）嘅冬至为12月22日，饰演阿阳（吕爵安演）婆婆嘅冯素波有讲过「有几多个人喺度，咪几多个人一齐食啰」。正所谓「冬大过年」，一于冬至就返屋企同家人食返餐好，一齐睇吓冬至传统习俗系应该食啲咩啦！


---

1. 盆菜 - 寓意盆满钵满
唔少香港人喺喜庆嘅日子都会食盆菜，唔但只冬至，仲有新年或中秋。但大家又知唔知盆菜嘅起源同原因呢？

起源

盆菜，其实系客家菜，亦系新界围村原居民嘅传统食品。咁到底盆菜系点嚟嘅呢？

版本一：源于宋末乱世
喺中国南宋末年，宋帝赵昺及陆秀夫、张世杰等人为躲避元军，南逃至东莞乌纱、及香港新界嘅围村，村民见到皇帝就盛情款待。虽然穷乡僻壤冇佳肴可以畀皇帝享用，喺赶急嘅情况下，村民唯有将仅有嘅食物加热，一层一层咁放入木盆内献畀皇帝。当时宋帝饥寒交迫，就觉得呢样系最好食嘅佳肴。自始之后，村民每逢喜事或新年等节日，都会食盆菜庆贺。

版本二：
当时遭元兵追杀嘅文天祥，逃至靠海嘅广东宝安县。当地嘅村民将屋内嘅食物拎畀渠，宋兵就打算将餸菜煮熟，但渠又冇多余嘅器皿，村民就建议用大盆装。宋兵就围盆而食，变成盆菜。

寓意

客家人喜欢讲意头，原来盆菜都包含唔少寓意喺当中。盆菜上枱时摆到满一满，寓意盆满钵满，财源滚滚；坐低围埋一齐食，象征合家团圆，满堂吉庆；盆菜内嘅食材够多元化及丰富，表示丰衣足食。甚至连盆菜内嘅食材都有唔同嘅寓意！例如发菜及蚝豉，代表发财好市；枝竹代表知足常乐；虾代表哈哈笑、笑口常开；鱼丸表示年年有余等。

食法

原来盆菜入面嘅食材都有特定嘅摆法，一般会将味道较淡嘅放喺最底层，例如猪皮、萝卜等，好让较淡嘅食材吸尽其他食材嘅精华，越食越入味。对上一层会放枝竹、鱿鱼等；再上会顺序放炆猪肉、冬菇、炸门鳝、鯪鱼丸；而最顶会放鸡，及大虾等较鲜味嘅食材。有啲盆菜会放上鲍鱼、鸭掌或其他烧味等，睇落更加名贵好看。食嘅时候都要讲礼仪㗎！唔好乱挑想食嘅食材，要逐层顺序由上至下咁食落去，先从最顶最鲜味嘅食材开始食，一路食到最底，先能够食尽盆菜嘅精华。


---

2. 汤圆 - 寓意团团圆圆：

原来比较多南方人会喺冬至时食汤圆，一齐睇吓汤圆嘅起源同寓意啦！

起源

明朝嘅时候，民间流传「家家捣米做汤圆，知是明朝冬至天。」可见早至明朝已经会于冬至时食汤圆。因为冬至当日嘅白天最短、夜晚最长，所以古人将呢日称为「阴极之日」，视为迎接阳气嘅日子，之后白天日照时间就会越嚟越长。因此会以象征「团圆、圆满」嘅汤圆来迎接，祈求阖家团圆，令新一年更加圆满如意。

寓意

原来唔同颜色嘅汤圆都有唔同嘅寓意，红汤圆代表金，可以招桃花、招人缘；白汤圆代表银，可以招财、旺事业。所以红白都至少要食一粒，象征圆满及团圆。



---

3. 饺子 - 北方人：

可能香港人会比较少喺冬至时食饺子，但北方人就有「冬至饺子夏至面」嘅说法。

起源

东汉末年，「医圣」张仲景告老还乡时，见到好多穷苦百姓忍饥受寒、耳朵冻烂。于是渠自己出钱用羊肉、辣椒同埋一啲驱寒药材，放入锅内熬煮，煮好后再剁碎，用面皮包成耳朵状嘅「娇耳」，再放入锅煮熟后分畀病人。百姓食完之后浑身发热、血液通畅、两耳变暖，被冻烂嘅耳朵就会康复。至龙之后南阳至今有「冬至不端饺子碗，冻掉耳朵没人管」嘅谚语。


过时过节，无论食咩都好，最紧要系一家人齐齐整整，一齐食返餐冬至饭。

---

冬至秋冬季节，正正系大闸蟹当造季节！一家人围埋食大闸蟹都系唔错嘅选择。新鲜蒸好嘅大闸蟹，鲜甜嘅金黄色蟹膏，立即Click以下WhatsApp连结，搵我哋订818Go爆膏大闸蟹啦，仲要系三阳泰官方正式授权嘅持牌分销商嚟㗎～食得更放心！


依家订818Go大闸蟹，即刻送《过时·过节》换票证！约屋企人食餐饭，再直落睇戏。
买一只蟹都送《过时．过节》换票证！
换票证有限！名额首500张订单！
买两打送电影换票证两张；买四打送电影换票证四张
即刻预订大闸蟹 (WhatsApp预订)：https://bit.ly/3Sco1lL

818GO官网：https://www.818go.hk/


图片来源：Unsplash、《过时过节》剧照
编辑：Athena

---

延伸阅读：


《过时·过节》上映周｜送电影换票证
详情：https://timable.com/event/2240881

【元宵节2022】流心芝麻/花生/奶黄汤圆食谱｜内附烟韧防黏煮法
详情：https://timable.com/blog/2126226

【香港老字号】土瓜湾糖水店｜默默耕耘近40年 老板兰姐：我好钟意做呢间舖
详情：https://timable.com/blog/2239511

【本地良心小店2022】天后私房菜烧邦｜老板凌晨选购海鲜 店内设鱼缸保海鲜新鲜 老板：希望坚持用香港人的东西
详情：https://timable.com/blog/2245996

---

Follow埋Timable FB同IG
FB：https://www.facebook.com/timable.hk
IG：https://www.instagram.com/timable/

立即下载Timable App，随时随地捕捉本地活动资讯
iOS/Android: https://bit.ly/timable_app