Twins "Twins Spirit Since 2001" 演唱會 2024

上Viagogo交易平台 (非官方) 購票 https://prf.hn/l/JpQWMmj
(買家需自行承受風險)


Update 5/1/2023:一加再加三加！《TWINS SPIRIT SINCE 2001 LIVE IN HONG KONG》，今日再宣佈加開終極第13及14場！門票將於1月12日城市售票網公開發售 ！終極加開兩場日期為 2月5及6日！

---

Update 20/12/2023: 疑似會加場加到年廿八

---

Update 9/9/2023: Twins踏入22週年再開紅館，氣勢凌勵大紫大紅一時無兩，早前優先訂購爆滿後即宣佈由6場加至8 場，公開發售瘋搶半個鐘宣告爆滿，今日又再宣佈，再加開2月1-4日，4場！12月15日城市售票網公開發售。上次搶不到飛的朋友，今次要記住15號去再撲過啦。

相隔9年再次踏足紅館，一開就開12場！阿SA(蔡卓妍)阿嬌(鐘欣潼)今次破了Twins自己的紀錄，當然開心，阿SA(蔡卓妍)笑謂，「其實真係救到我燃眉之急，我真係好唔夠飛，之前我重用自己的飛行里數去換番自己演唱會啲飛，換完都係唔夠，幫唔晒朋友訂，依家再加，咁即係有救啦，哈哈....唔駛啲朋友唔開心，話我辦事不力。歌迷都不停留言比我，話搶唔到飛想喊，所以我地今次特別為佢地搞緊一場加場係歌迷會專場，咁希望大家都可以真係一齊入到來，同我哋一齊共渡到22週年，呢個咁值得紀念日子。」

阿嬌(鐘欣潼)就坦言，「聽到再加場，有愕然，又有驚喜，又覺得係一個突破。做咁多場 ，係自己體能上都有少少擔心㗎，但會盡全力去做！已經開始戒緊肉，剩係食菜呀，海鮮咁，因為只食齋又怕唔夠營養，記緊歌詞排緊舞啦。」

問到阿Sa今次破晒Twins紀錄，「唔好講咩紀錄啦，我剩係會諗，襯行得走得，做到咪做多幾場囉，再老啲唔知自己頂唔頂到啦嘛，做到就做囉, 哈哈哈....我就兩個月前已經開始管理自己啦，已經食緊健康餐，同埋練體能，依家瘦左好多呀，咁唔可以剩係瘦，因為都要體力，所以不停有做運動增肌肉囉。本來唱8場，我同阿嬌話，不如一氣呵成啦，唔駛停唱晒佢，免得好似蝕左度氣咁嘛，但係依家12場，中間就會有休息日啦，都要休一休再做，應該狀態會好啲。 」

此外，最近又有不法之徒，於社交網上開post ，指Twins演唱會招聘保安、檢票員等等職位，演唱會總監馮貽柏表示，從來沒有進行過任何這些職位的招聘，勸喻歌迷千萬不要受騙，把自己的私人資料或電話等給予這些網站，小心保障個人利益。



Update 14/11/2023:

《TWINS SPIRIT SINCE 2001 LIVE IN HONG KONG》演唱會，今早（15/11）進行優先訂購，秒速爆滿！主辦單位英皇娛樂即時開心宣佈，加開兩場，由6場變8場！門票將於11月22日起城市售票網公開發售，今日撲唔到的朋友，22號要仍有機會可以搶到飛。


Update 2/11/2023:

TWINS將於2024 年1月21-23、25-27日 於紅館舉行6場 《TWINS SPIRIT》演唱會，相隔9年再次紅館合體，今次TWINS 以《SPIRIT》為演唱會主題，準備帶給大家TWINS的精神及成軍廿多年的回憶與感動。

早前阿Sa(蔡卓妍)、阿嬌(鐘欣潼)為演唱會拍攝宣傳海報，兩人穿上大紅色的不同造形拍攝，又性感又活力， 拍攝兩人互毆搞笑動作時，阿嬌爬到阿Sa身上，突然失去平衡，兩人尖叫倒地，工作人員馬上上前援救，幸好兩人也沒有扭傷，笑成一團，慢慢爬起來。阿Sa:「佢跌個下真係嚇鬼死，哈哈....我想用力拉住佢都搞唔掂，因為我唔係抱住佢，佢喺我背脊，好彩我哋喺地面重有個木箱托一托，所以阿嬌都冇事。」阿嬌:「冇事，哈哈，其實唯一喺傍邊用吹風機個工作人員，佢撲過來想幫我，我又跌得太快，佢手上面枝吹風槍就撞正我頸到囉，個下有少少痛。」

談到今次演唱會名為《TWINS SPIRIT》，阿嬌表示，「即係 Twins 精神，雖然見到poster 我哋喺到互毆，但係我哋個精神就係永不放手，所以廿年來都冇放開過對方！即係同今日影相嗰時一樣，永不放手，跌低一齊跌低，起身一齊起身！哈哈。 」阿Sa:「TWINS SPIRIT就係咁多年坐埋一條船，無論順景逆景都一齊，開心一齊開心，唔開心一齊唔開心。今次有咁嘅構思，係因為廿多年來我哋實在影過太多靚相啦，想影啲靚又有另類啲感覺嘅，所以就影啲好玩啲。」之前阿Sa 聲帶有事，問到她是否完全康復？阿Sa笑一笑:「都有少少擔心㗎，不過我估ok嘅。」

至於演唱會今次有咩新意帶俾觀眾，兩人表示，今次除了舊班底外，也加入了一些新班底合作，所以一定更精彩，TWINS多年來都是帶開心給大家，今次也不會例外，至於點精彩就到時睇演唱會感受，現在不能多作透露。阿嬌就話，「我估我哋會比過去演出都辛苦，因為加好多新嘢！不過好期待，辛苦得來應該係值得同好開心。」

---

Update 1/11/2023: 收風強終須收到可靠消息, Twins喺21/1/24起開6場紅館，應該啱，除非錯，官方即將公佈詳情




Update 21/9/2023: 有指學友神開到4/1，估計Twins會喺之後Weekend或打後的1月內開

Update 1/9/2023: 多方面消息指，Twins應該係2024年1月先開呀！

Update 23/8/2023: 收風強收到風，講咗好多年嘅Twins紅館演唱會，終於喺2023年12月聖誕檔期開到喇！大家要Bookmark定呢版芒實幾時賣飛喇！



Update 29/9/2022: Twins 今日合體出席活動後接受傳媒訪問時承認，正籌備緊2023年舉行紅館演唱會；原定2021年慶祝出道20週年，奈何因疫情未能舉行，因此就要等到2023年先有機會開到喇！

Update 1/3/2022: 由於疫情未見好轉，原本4月的檔期極大機會開唔成

Update 31/10/2021: 有傳媒指紅館將於2022年3月封館全力舉辦政府活動，導致檔期緊張且有所變動，原先4月嘅Twins出道20周年演唱會有機會延期。

Update 18/5/2021: 阿Sa喺直播透露將會喺2022年4月開佢哋嘅20週年紀念紅館演唱會，而根據最新嘅紅館訂場表，暫時4月1~25日有人Book咗

Update 2/5/2021: 阿Sa阿Gill已表示2021年未有時間開，暫計畫2022年喺紅館慶祝出道20周年。

---

2021年就係Twins出道二十週年喇，阿Sa同阿嬌宣佈佢哋計劃開廿週年演唱會呀！孖妹開得，都應該要開紅館先夠坐啦！大家話係咪先～

阿嬌就話「20年彷彿一瞬間，一路上的坎坷不定但有你在身邊鼓勵，不管未來飛向何方，都會約定和你一起， 20 年後，再唱下一站天后。」

好期待吖！

---

．請勿誤信非官方售票渠道

Follow 埋 Timable 演唱會 FB 專頁：
https://www.facebook.com/timable.hk.concerts