【MIRROR演唱會2022】公開發售門票實名制、MIRO特別場及須知懶人包

大國文化剛剛就喺社交平台上公佈咗 MIRROR 演唱會嘅公開發售門票實名制同 MIRO 特別場嘅詳情仲有須知。

等小薯仔為大家整理一下：

時間：晚上 8 點 15 分
地點：香港體育館
票價：$1280 / $880 / $480
入場歲數限制：6 歲或以上

1）公開發售門票實名制詳情
* 實名制只適用於經城市售票網公開發售嘅門票（12 場，約 37,700 張）

．每人每次只限購買最多兩張門票

場次：2022 年 7 月 25 至 31 日及 8 月 2 至 6 日
發售日期時間：2022 年 5 月 31 日朝早 10 點正
途徑：城市售票網 (不設售票處售票)
a) 網站：https://ticket.urbtix.hk/internet/zh_TW/eventDetail/43409
b) 信用卡購票熱線：2111 5999 (朝早 10 點至夜晚 8 點)

30/5/2022 城市售票網更新 5 月 31 日特別安排：

a) 當日朝早 10 點前所有已登入網站嘅連結均不能延續至朝早 10 點後
b) 當日朝早 10 點起，喺顧客等候登入城市售票網網站時，系統會提供自動為顧客嘗試再次登入功能，直至另行通知
c) 當日開售嘅 MIRROR 演唱會門票尚餘少於 2,000 張時，系統會停止提供自動嘗試再次登入功能

2）MIRO 特別場
場次： 8 月 5 至 6 日
合資格購買人士：
(i) 已成功註冊，成為 MIRO 會員
(ii) 喺《MIRO 獨家專享「FWD 富衛保險呈獻 MIRROR.WE.ARE LIVE CONCERT 2022」門票網上抽籤認購活動》中冇中過籤
(iii) 必需喺 2022 年 6 月 1 日中午 12 點至 2022 年 6 月 6 日晚上 11 點 59 分內喺 http://mirrorweare.com 成功登記參加《MIRO 特別場門票登記購買活動》

合資格人士可以喺 2022 年 6 月 10 日朝早 10 點至晚上 11 點 59 分透過 Cityline 指定網站 ( https://mirofans.cityline.com )，憑 MIRO 會員號碼及 MIRO 登記電郵地址購買演唱會 MIRO 特別場門票 。每人喺購票時段內只限購買演唱會 MIRO 特別場門票一次，最多兩張門票。
（以先到先得形式發售， 數量有限，售完即止。）

買飛時請留意：
a) 填寫 MIRO 資料時，留意英文字母大細階同前後無空格
(P.S. 請登入 https://mirrorweare.com/，喺「管理個人資料」頁面查閱自己嘅會員號碼同登記電郵地址)
b) 如果同朋友一齊睇演唱會，喺持票人姓名欄位，請填寫你同朋友各自身份證明文件上嘅英文全名
c) 成個付款過程需時幾分鐘，建議預留至少 5 分鐘完成付款程序

注意！以下情況有機會被系統封鎖：
a) 同一時間用多個裝置登入同一 MIRO 帳戶
b) 用自動程式不斷快速或重試登入網站買飛，又或者嘗試跳過頁面

* 每個 MIRO 會籍只可登記本活動一次，唔可以重複登記
* 成功登記參加本活動並唔代表或保證可以成功購買演唱會門票
* MIRO 特別場同行出席者毋須一定為 MIRO。你可以約 MIRO 一齊去，又或者帶自己嘅家人或朋友去！
* 如盜用其他 MIRO 資料購買門票，一經發現，有可能被視作刑事案件處理

3）是次演唱會實名制須知：
．不論公開發售定 MIRO 特別場，購買時，必須提供入場人士附有相片嘅有效香港身份證或旅遊證件上之英文全名作門票實名制之用，亦要小心核對購票時所提供嘅英文全名。而持票人入場時亦需出示同門票所示姓名相同且附有其相片嘅身份證明文件以供核對

．所有門票唔可以轉讓，亦不能轉換場次或更改持票人士姓名

．如果持票人士喺購票後因事未能出席演唱會，可於 7 月 20 日至 22 日期間帶同門票去香港文化中心行政大樓九樓城市售票網票務辦事處（辦公時間：星期一至五上午 9 點至下午 1 點及下午 2 點至 6 點）辦理退票手續（不包括任何手續費），以票面值半價退票 (退款將於稍後以劃線支票方式寄返畀退票者)。2022 年 7 月 22 日下午 6 點後唔會再有任何退票安排

．如果唔見咗門票，必須盡快向警方報失，並喺表演日期前最少三個工作天前，將報失編號、持票人姓名同埋購票確認通知電郵等資料一併通知購票通（電郵：[email protected]；電話：2314 4228），辦理遺失門票手續。購票通會寄一封印有持票人姓名、香港身份證號碼同警方報失編號嘅確認信畀持票人，持票人要帶呢封確認信喺入場時核對身份，不過入唔入到場就會由場地管理人員做最終決定

4）實名制票務入場須知：
．為咗預留充足時間畀所有觀眾都可以喺演唱會開始前順利入場，建議持票人士可以喺下午 6 點 30 分（7 月 25 至 31 日及 8 月 2 至 4 日場次）或下午 4 點 30 分（8 月 5 至 6 日場次）預早到達香港體育館核對身份。

．主辦機構會為所有被核對身份後嘅持票人士戴上手帶及蓋手印，喺進入表演場地時，請出示門票、手帶及手印

．購票及核對入場所用嘅有效身份證明文件只包括香港身份證及旅遊證件 (如護照)，此文件上必須附有照片，並必須同網上登記時所登記嘅證件姓名一致。六至十一歲人士如果冇香港身份證或旅遊證件，請使用出生證明書、附有照片嘅學生手冊或學生證作入場核對之用。

．未能出示與相關身份證明文件相符嘅持票人士將不獲准進場，門票及手續費亦唔會獲得退款

溫馨提示：
．所有演唱會觀眾，必須遵守政府公布最新嘅防疫預防措施以及保持適當的社交距離 (包括但不限於身處場地期間全程佩戴自備口罩、進入場館前掃瞄「安心出行」二維碼，及符合「疫苗通行證」規定)，否則主辦方有權拒絕相關人士入場。

．所有進入表演場地嘅人士，必須隨身攜帶電子或紙本疫苗接種紀錄（包括有效嘅「新冠病毒病康復紀錄」二維碼）或有效嘅「新冠疫苗接種醫學豁免證明書」（透過醫健通簽發附有二維碼），並按場館人員要求出示相關文件以供掃描。有關「疫苗通行證」最新資訊及接種要求，詳情請參考「疫苗通行證」專題網站：http://www.vaccinepass.gov.hk

祝大家搶飛順利！開心又安全睇騷！

MIRROR "MIRROR.WE.ARE LIVE CONCERT" 演唱會 2022
詳情：https://timable.com/event/1988750


整理：小薯仔
資料來源：大國文化 Music Nation 及 MIRROR Facebook

---

Follow埋Timable FB同IG
FB：https://www.facebook.com/timable.hk
IG：https://www.instagram.com/timable/

立即下載Timable App，隨時隨地捕捉本地活動資訊
iOS/Android：https://bit.ly/timable_app