許廷鏗演唱會2022｜"in the round"

許廷鏗（Alfred）自去年成立自家音樂廠牌「自許紀錄唱片有限公司」後，馬不停蹄推出不同音樂企劃。11 月 15 日正式宣布以唱片公司老闆身分自資舉辦個人演唱會，自許紀錄唱片主辦 【in the round】ALFRED HUI 許廷鏗 LIVE 2022將於本年度 12 月 30 及 31 日假九龍灣國際展貿中心舉行。雖然暫時未能成功申請更大演出場地，但 Alfred 亦繼續不惜工本堅持開四面台，投資超過七位數字製作費，希望入場觀眾能近距離享受高質視聽體驗，望以誠意報答一眾久等的樂迷。



有別於以往偶像派靚仔造型，是次演唱會海報以本地品牌再造紙及蜂巢包裝紙製作服飾，遮掩半面的照片亦令演唱會主題帶點神秘感，Alfred 不賣關子直認「今次演唱會大家見到嘅許廷鏗的確會同以往會唔同，係一個經歷疫情後蛻變咗嘅許廷鏗，一個真實而自由自在嘅獨立歌手，係一個我自己都好鍾意見到嘅許廷鏗，就好似張海報咁，眼神好堅定，我覺得入場睇嘅樂迷都會鍾意呢個我 。」



Alfred 亦大談是次演唱會的命名原因，他娓娓道來的說：「依家嘅我無咗大公司背景，咁樣反而多咗一啲新嘅樂迷。但對一啲十三年前開始追隨我嘅樂迷嚟講，我知道佢地多少都會唔慣，所以都用呢兩年去同大家一齊成長。 其實 in the round 本身係形容其中一類雕塑，係指無依附背景、觀眾可以從四面八方都欣賞到嘅雕塑。真係好適合形容自己呢刻嘅狀態，正正就係希望入場嘅大家，可以用自己喜歡嘅角度去感受呢個無背景嘅許廷鏗，我都好期待自己嘅演出。」

日前接受網上平台「熊仔頭」訪問，因真性情而被主持及網民大讚，問道 Alfred 成為獨立歌手後是否比較敢言，他一貫謙虛補充「以前一直有好多公司同事幫手，好多事情都唔使自己處理，大家就難啲接觸到我本人。依家唔同啊！既係歌手又係老闆又係員工。自己開唱片公司，所有事情要親力親為，就連今次演唱會要申請臨時公眾娛樂場所牌照，都係我自己揸車去交㗎！大家真係要多多支持！」

---

KKday 優先訂票門票及套票詳情：
Package A - $800 門票一張（座位將安排於該票價頭十行內）+【自許紀錄・限定版菲林相機】一部 | $1000
Package B - $600 門票一張（座位將安排於該票價頭十行內）+【自許紀錄・限定版菲林相機】一部| $800
Package C - $800 門票一張
Package D - $600 門票一張
* 請留意每張門票需另加行政費用 HK$20
【自許紀錄・限定版菲林相機】已包含預設底片：柯達400度彩色負片。
【自許紀錄・限定版菲林相機】為一次性使用式菲林相機，不能重複使用。

---

Follow 埋 Timable 演唱會 FB 專頁：
https://www.facebook.com/timable.hk.concerts