【2023復活節4日提案】文青香港玩樂行程｜假日必去本地打卡熱點＋美食｜銅鑼灣避風塘堤壩／藍地屯門新村手繪壁畫
author: Timable, 16 Mar 2023 (Thu) 8:37am
就嚟復活節啦！咁多日復活節假期去邊度玩好呢？除咗出國去旅行之外，香港都有好多好去處㗎！今年小T就為大家安排好4日復活節行程，仲包埋餐廳推介，無論係同家人、男女朋友定係好朋友，都啱去㗎！想知有咩活動，就要睇埋落去啦！
【第一日】中上環＋西環一日遊
1. 港島區中環 - 孫中山紀念館
位於中環嘅孫中山紀念館共有4層，館內設有兩個常設展廳。除咗可以去欣賞多件珍貴嘅歷史文物之外，打卡影相都唔錯！而且仲係 Anson Lo@MIRROR 盧瀚霆 嘅 不可愛教主 MV嘅取景場地。無去過孫中山紀念館嘅你，一定要去參觀吓，仲要係免費入場㗎！撳入內文睇吓有咩打卡位，順便參考吓可以擺咩甫士啦～
開放時間：
星期一至三、五：早上10時至下午6時
星期六、日及公眾假期：早上10時至下午7時
逢星期四休館
地址：香港中環半山衞城道7號
前往及離開交通方式：
中環港鐵站D1或D2出口，搭半山扶手電梯至堅道，再向西步行約5-10分鐘到紀念館。
https://hk.drsunyatsen.museum/zh_TW/web/sysm/visittomuseum/address.html#/nogo
【中環好去處2022】MIRROR教主MV取景地｜孫中山紀念館打卡位｜週末好去處
詳情：https://timable.com/blog/2219977
2. 港島區西營盤 - 半山牛腩麵老字號
中西區充滿歷史色彩，除咗建築物之外，就連餐廳都好有懷舊嘅味道。呢間位於半山區、被名校圍繞的枝記麵家，不同於近十年被港人熱推嘅清湯牛腩，小店做嘅係古法磨豉牛腩，有別於另一種啡色湯底嘅柱侯牛腩，磨豉醬煮，真心少見，但老嘢就知道，這是好東西。
【香港老字號】逾50年半山牛腩麵店 古法磨豉牛腩只此一家｜枝記麵家
詳情：https://timable.com/blog/2242538
3. 港島區中環 - 中環街市
活化後嘅中環街市超多打卡位～裡面仲有百幾間舖俾你慢慢行，除咗有文青小店，都有唔少懷舊美食、酒吧等，裡面更有活動場地，不時舉辦展覽及講座。
中環街市現正舉行嘅活動：https://bit.ly/39QTXeV
地址：中環皇后大道中93號
開放時間：每日 10:00 – 22:00
4. 港島區西環 - 大口環／沙灣徑 睇日落
大口環，亦可稱為沙灣，係港島西邊嘅一個小海灣，搭小巴就可以輕鬆到達，最啱想呼氣新鮮空氣嘅懶人去啊！再加上方位對正西方，可以清楚地睇足全程日落，同男女朋友去就夠晒浪漫喇！
＊出發前請睇清楚潮汐漲退嘅時間啊！
https://www.hko.gov.hk/tc/tide/predtide.htm
前往交通方式：
堅尼地城站A出口
乘坐58號小巴，或3M、47P、971號巴士，沙灣徑下車
車程約5-8分鐘，下車後行大約15-20分鐘
離開交通方式：
於下車處對面乘坐58號小巴，返回堅尼地城站
【港島好去處2022】西環／沙灣熱門靚景打卡位｜輕鬆到達最啱睇日落｜郊遊路線推介
詳情：https://timable.com/blog/2169446
5. 港島區中環 - 正宗拿坡里Pizza意大利餐廳
嚟到中環，一於就喺附近搵返間有情調嘅餐廳，同朋友或者男女朋友一齊食餐好！呢間位於中環蘭桂坊嘅意大利餐廳及酒吧BACI，餐廳格調高貴得嚟，嘢食又好食。餐廳最近喺2022年於由極具影響力的意大利 50 Top Pizza舉辦「亞太區50大薄餅大賽」（50 Top Pizza Asia Pacific 2022)中勇奪全港第2名及亞太地區第12名這項國際殊榮。
【中環美食2022】全港第2名披薩！正宗拿坡里Pizza 蘭桂坊意大利餐廳 BACI
詳情：https://timable.com/blog/2236475
【第二日】屯門一日遊
1. 新界區 - 屯門富泰邨
近日春暖花開，多個地方都有花睇，有唔少都去打卡影相。近日網民 Soso Chan在香港風景攝影會分享屯門富泰邨附近的一片宮粉羊蹄甲花海，引來大批網民按讚。
【香港賞花2023】宮粉羊蹄甲花海成港版河津櫻 內文教你分洋紫荊同宮粉羊蹄甲
詳情：https://timable.com/blog/2292688
2. 新界區 - 藍地屯門新村
屯門藍地嘅屯門新村，呢幅以卡通動漫為主題嘅壁畫大約150呎，形成三角形嘅圍牆，係由屯門藝壇嘅兩位藝術家，王麗娜同何艷嫦一同創作。佢哋連同其他義工同學一齊繪畫，希望壁畫可以喺疫情之下帶到歡樂畀香港人，為大家打打氣。所以用色會較為色彩繽紛，以及以大家所認識嘅兒時卡通為主，重拾童年回憶。
【屯門好去處2022】藍地屯門新村手繪壁畫 打卡一流！週末好去處
詳情：https://timable.com/blog/2225341
3. 新界區 - 良心家常小菜店
係良心小店啊！佢哋主打家常小菜及手工麵，堅持真材實料，無添加、無味精。希望透過每一啖食材，讓客人感受一份家嘅愛及溫暖，令香港普遍嘅「無飯家庭」也能享用到真正歸家口味。
閨•家 (美基樓)
地址：屯門河傍街148號美基樓地下A號舖
電話：5666 2923
營業時間：7am-2am
4. 新界區 - 屯門龍鼓灘睇日落
簡易嘅行山徑就行得多，經驗豐富嘅你可以試吓挑戰新路線。今次介紹呢條屯門龍鼓灘行山路線，沿途有3大打卡影相位，仲可以喺黃昏時段睇到好靚嘅日落。呢條行山路線都有唔少嘅碎沙碎石，而且有幾個分叉路，唔適合新手去行，行山老手就可以去挑戰吓！大家去之前記得着好行山鞋。再講多次，絕對唔適合新手去行！
【香港行山路線2022】屯門龍鼓灘行山徑 豬仔石／十字星石室｜週末好去處
詳情：https://timable.com/blog/2211364
【第三日】銅鑼灣一日遊
1. 港島區 - 銅鑼灣避風塘海濱
銅鑼灣避風塘嘅「活力避風塘主題區」海濱共享空間終於開通啦！主題區仲有3隻昔日嘅經典船「嘩啦嘩啦」，大家仲可以參加導賞團，乘搭昔日水上的士，了解更多關於銅鑼灣避風塘嘅歷史，一齊睇吓有咩玩啦！
【港島好去處2022】銅鑼灣避風塘海濱｜經典「嘩啦嘩啦」水上的士船
詳情：https://timable.com/blog/2247611
2. 港島區 - 銅鑼灣 好呷台灣火鍋
好想好想飛轉台灣啊！不如就去呢間最近人氣大熱嘅牛角姊妹店「好呷台灣火鍋」啦！除咗旺角總店之外，佢喺銅鑼灣亦開咗新分店！快啲去食盡台灣嘅夜市小食、火鍋配料及手搖飲品啦～
【香港火鍋放題】好呷台灣火鍋登陸銅鑼灣！2小時任食50多款配料＋日本國產牛｜多款台式美味小食
詳情：https://timable.com/blog/2278379
3. 港島區 - 銅鑼灣避風塘堤壩
銅鑼灣其實有個隱世堤壩，係鬧市中嘅幽靜角落。由於人唔多，環海靚境加埋海上燈塔，非常適合影張靚相。唔講唔知，原來銅鑼灣避風塘於1883年建成，係香港首個避風塘嚟㗎。想知點去，就要撳入內文睇吓啦！
【香港周圍遊】銅鑼灣避風塘堤壩 隱世海上燈塔 日落打卡秘景
詳情：https://timable.com/blog/2228675
4. 港島區 - 天后良心小店私房菜
港島都有唔少好食嘅私房菜，今次介紹嘅呢間餐廳食材超級新鮮！老闆每朝早親自落魚市場揀海鮮，想知詳情，就要撳入內文啦！
【本地良心小店2022】天后私房菜燒邦｜老闆凌晨選購海鮮 店內設魚缸保海鮮新鮮 老闆：希望堅持用香港人的東西
詳情：https://timable.com/blog/2245996
【第四日】
1. 九龍區 - 宋皇臺半日遊
屯馬綫開通咗一段時間，唔知大家又有冇搭過呢？宋皇臺站你哋又知唔知有咩玩？唔知就要撳入內文睇睇啦！
【宋皇臺好去處2022】簡約木系打卡cafe 美食指南半日遊
詳情：https://timable.com/blog/2013544
2. 九龍區 - 土瓜灣糖水老字號
玩完宋皇臺，一於尾站去埋土瓜灣食個糖水先返屋企，咁就有個甜蜜嘅收尾啦！咪住先！聽日又要返工啦T^T
【香港老字號】土瓜灣糖水店｜默默耕耘近40年 老闆蘭姐：我好鍾意做呢間舖
詳情：https://timable.com/blog/2239511
編輯：Athena
延伸閱讀：
【復活節2022】香港Cafe美食遊 純素Cafe/新店Cafe/貝果小店/專業咖啡店
詳情：https://timable.com/blog/2173013
【2022復活節4日提案】文青香港玩樂遊 假日必到本地打卡熱點 香港最南端露營/石灘漫步/湖邊野餐
https://timable.com/blog/2174286
【親子好去處2022】精選室內活動／戶外郊遊推介｜最啱小朋友週末放電
詳情：https://timable.com/blog/2147766
【復活節2022】復活節親子在家活動 酒店蛋糕自取優惠 室內親子家庭樂
詳情：https://timable.com/blog/2161600
【香港賞花2023】紫藤花盛開！絕美紫色夢幻打卡點｜深井清快塘喜香農莊免費入場
詳情：https://timable.com/blog/2292951
Follow埋Timable FB同IG
FB：https://www.facebook.com/timable.hk
IG：https://www.instagram.com/timable/
立即下載Timable App，隨時隨地捕捉本地活動資訊
iOS/Android: https://bit.ly/timable_app
